یەکشەممە ٧/١٢/٢٠٢٥ دیداری (دەرفەتەکانی گەشەپێدانی ئابووری چەمچەماڵ) کە بە هاوبەشی لە نێوان دامەزراوەی ڤیژن بۆ لێکۆڵینەوەی ستراتیژی و زانکۆی چەرموودا رێکخرابوو، بە بەشداریی بەرپرسان و پسپۆڕانی ئەکادیمی و هاوڵاتییانی قەزای چەمچەماڵ بەڕێوەچوو.
دیدارەکە لە سێ پانێڵ پێکهاتبوو، پانێڵی یەکەم بەناونیشانی (چەمچەماڵ وەک دەروازەی بازرگانی و پیشەسازی لەنێوان عێراق و هەرێم) بوو ، هەریەکە لە کۆڤان جەلال بەڕێوەبەری گشتیی بازرگانی و پیشەسازی، شیلان سەلام پسپۆڕی یاسایی لە زانکۆی چەرموو، ئارام بابان ئەندامی ئەنجومەنی ژووری بازرگانی و پیشەسازیی سلێمانی لە پانێڵی یەکەمدا گفتوگۆیان کرد، پانێڵەکە لەلایەن بژار نەسرەدین پسپۆڕی دارایی و وەبەرهێنان بەڕێوەبرا.
پانێڵی دووەم بە ناونیشانی (دەرفەتەکانی وەبەرهێنان و هەلەکانی کار لە ژێرخانی قەزای چەمچەماڵدا) و بە بەشداریی ئامانج جەلال بەڕێوەبەری گشتیی وەبەرهێنانی پارێزگای سلێمانی، کارزان جومعە پسپۆڕی کارسازی لە زانکۆی چەموو، د. ئیبراهیم مەهدی پسپۆڕی ئابوریی لە زانکۆی چەرموو، د.عەدنان ئەحمەد بەرپرسی بەشی بەکار خستن لە بەڕێوەبەرایەتی کار گفتوگۆ کرا و پانێڵەکە لەلایەن گزنگ عەلی پسپۆڕی ئەندازیاریی شارستانییەوە بەڕێوەچوو.
پانێڵی سێیەم بەناونیشانی (بەهێزکردنی بنەماکانی گەشتوگوزار و کشتوکاڵ لە قەزای چەمچەماڵ) و بە بەشداریی ئەمەل جەلال سەرۆکی دەستەی گەشتوگوزاری هەرێمی کوردستان، عیسا جەلال بەڕێوەبەری کشتوکاڵی قەزای چەمچەماڵ و د. زانست قادر حەمە عەزیز پسپۆڕی زەویناسی ژینگەیی لە زانکۆی چەرموو، گفتوگۆی بابەتەکە کرا، پانێڵەکە لەلایەن پشتیوان فازڵ پسپۆڕی کارگێڕی کار بەڕێوەبرا.
لە کۆتاییدا ژمارەیەک پێشنیار و راسپاردەی خستەڕوو کە لە گفتوگۆکانی دیدارەکەدا گەیشتنە ئەو دەرئەنجامانە سەبارەت بە قەزای چەمچەماڵ.