ئه‌مڕۆ 27ـى تشرينى دووه‌مى 2025، دامه‌زراوه‌ى ڤيژن بۆ لێكۆڵينه‌وه‌ى ستراتيجى مێزگردێكى تايبه‌ت به‌‌ (په‌روه‌رده‌ى فه‌رمى) به‌ڕێوه‌برد، كه‌ تێيدا پرسى فه‌لسه‌فه‌ى په‌روه‌رده‌ و بنياتنانى تاك و كێشه‌كانى به‌رده‌م په‌ره‌پێدانى پڕۆگرامى په‌روه‌رده‌يى و هه‌ڵسه‌نگاندن و تاقيكردنه‌وه‌كان گفتوگۆيان له‌باره‌وه‌ كرا.
له‌ مێزگرده‌كه‌دا، كه‌ ژماره‌يه‌ك له‌ مامۆستا و راهێنه‌ر و سه‌رپه‌رشتيارى په‌روه‌رده‌يى و توێژه‌ر به‌شدارييان تێداكرد، هه‌وڵدرا به‌ وردى كێشه‌كانى به‌رده‌م كه‌رتى په‌روه‌رده‌ بخرێته‌ڕو و كاربكرێت بۆ دۆزينه‌وه‌ى وه‌ڵام و گه‌يشتن به‌ چاره‌سه‌ر.
به‌شداربووانى مێزگرده‌كه‌ گفتوگۆيان له‌باره‌ى ئه‌و كێشانه‌وه‌ ‌كرد كه‌ بوونه‌ته‌ به‌ربه‌ست له‌به‌رده‌م به‌ره‌وپێشچوونى كه‌رتى په‌روه‌رده‌ و چه‌ند پلان و بۆچونێكيشيان خسته‌ڕوو كه‌ رۆڵى له‌ به‌ره‌وپێشبردنى پرۆسه‌ى فێركردن ده‌بێت له‌ هه‌رێمى كوردستاندا.