رۆژی پێنجشەممە (١٨/٩/٢٠٢٥) بە بەشداری ژمارەکی زۆر لە بەرپرسانی حکومی و مامۆستایان و توێژەران و چالاکوانان، سیمپۆزیۆمی کاریگەری و مەترسيیە شاراوەکانی تۆڕە کۆمەڵایەتیيەکان لەسەر خێزان و هەرزەکاران، لە زانکۆی کۆمار بەڕێوەچوو، کە لەلایەن دامەزراوەی ڤیژن بۆ لێکۆڵینەوەی ستراتیجی رێکخرابوو.

عەدنان عوسمان سەرۆکی دامەزاوه‌ی ڤیژن لە وتاری کردنەوەی سیمپۆزیۆمەکەدا بەراووردێکی ژیانی خێزانەکانی کرد، کە لە رابردوودا نهێنیە خێزانیيبەکان دەپارێزران، بەڵام ئێستا بەشێک لە خەڵک پەیوەنیيە خێزانیيەکانیان و ژیانە شاراوەکانیان لەڕێگەی تۆڕە کۆمەڵایەتيیەکانەوە هاوبەشی پێدەکەن.

لە بەشێکی دیکەی سیمپۆزیۆمەکەدا هێمن عەبدولقادر توێژەر لە دامەزراوەی ڤیژن، ئەنجامی نوێترین توێژینەوەی دامەزراوەکەی راگەیاند، دەربارەی کاریگەريى و مەترسیيە شاراوەکانی تۆڕە کۆمەڵایەتیيەکان لەسەر خێزان و هەرزەکاران.

هەر لە چوارچێوەی سیمپۆزیۆمەکەدا پانێڵێک لەلایەن بەڕێزان (پ ی.د.پاڤێ جەمیل، پسپۆڕی سایکۆلۆجیای راگەیاندن و پ.ی.د.لوقمان سیوەیلی، پسپۆڕی کاری کۆمەڵایەتی و د.شەهلا عەلی، پسپۆڕی راوێژکاری دەروونی) پێشکەشکرا، تێیدا کاریگەریيەکانی خراپ بەکارهێنانی تۆڕە کۆڵایەتيیەکانیان، لە رووی میدیایی و دەروونی و کۆمەڵایەتیيەوە لەسەر خێزان و هەرزاکاران رونکردەوە.

ئامادەبوانیش سیمپۆزیۆمەکەیان بە تێبینی و بۆچوون و رەخنەکانیان پڕبایەختر کرد.