ڕاپرسی تایبەت بە خولی شەشەمی پەرلەمانی کوردستان
10 تشرینی دووەم 2024
ڕاپرسی مەیدانی بۆ هەڵبژاردنی خولی شەشەمی پەرلەمانی کوردستان ٢٠٢٤: خوێندنەوەی واقیعی سیاسی و دیدگای دەنگدەران
ئەم پڕۆژەیە وەک هەوڵێکی زانستی و مەیدانی لەلایەن دامەزراوەی ڤیژنەوە هاتە کایەوە، بە مەبەستی تێگەیشتن لە نەخشەی سیاسیی هەرێمی کوردستان پێش دەستپێکردنی بانگەشەی هەڵبژاردن. ئامانجی سەرەکی، دەستنیشانکردنی سەنگی هێز و قەوارە ڕکابەرەکان و تێگەیشتن بوو لە ئاراستەی دەنگدەرانی هەرێم لە پرۆسەیەکی دیموکراسیدا.
پڕۆژەکە بۆ ماوەی ٣ مانگ بەردەوام بوو، لە تەمووزی ٢٠٢٤ دەستی پێکرد و ئەنجامەکانی لە ١٠ی تشرینی یەکەمی ٢٠٢٤ (١٠ ڕۆژ بەر لە هەڵبژاردن) بڵاوکرانەوە، کە ئەمەش کاتێکی هەستیار بوو بۆ پێشبینیکردنی ئەنجامەکان.
ئامانج و چالاکییە ستراتیژییەکان
تێگەیشتن لە دیدی دەنگدەر: شیکردنەوەی ویست و داواکارییەکانی هاووڵاتیان لە ڕێگەی ڕاپرسی مەیدانییەوە.
خوێندنەوەی واقیع: پێشکەشکردنی داتای دروست بە ناوەندە سیاسی و میدیاییەکان بۆ تێگەیشتن لە گۆڕانکارییەکانی ناو شەقامی کوردی.
ئامار و دەرئەنجامەکان
بەپێی میتۆدۆلۆژیای پڕۆژەکە، داتاکان بەم شێوەیە کۆکراونەتەوە:
قەبارەی نموونە: ٢,٨٤٩ فۆرمی ڕاپرسی بە شێوەی مەیدانی پڕکراونەتەوە.
ڕێژەی نوێنەرایەتی: ئەم بڕە نزیکەی (٠.٠٠١)ی کۆی گشتی دەنگدەرانی هەرێمی کوردستان پێکدەهێنێت.
تەمەنی بەشداربووان: ڕاپرسییەکە تەنها ئەو کەسانەی گرتووەتەوە کە تەمەنیان لە سەروو ١٨ ساڵەوەیە و مافی دەنگدانیان هەیە.
لایەنە پەیوەندیدارەکان
ئەنجامدەر: دامەزراوەی ڤیژن بۆ لێکۆڵینەوەی ستراتیجی.
ناوچەی ڕووماڵ: پارێزگاکانی هەرێمی کوردستان (جگە لە پارێزگای دهۆک بەهۆی ڕێگریی دەزگا ئەمنییەکان).
کایەی کارکردن: توێژینەوەی سیاسی و هەڵسەنگاندنی هەڵبژاردن.
بڵاوکردنەوە