د. دلاوهر عوسمان مەجید
توێژەر
پ.ی.د. دلاوەر عثمان مجید ئەکادیمی و پسپۆڕێکە لە بواری فەلسەفەی سیاسی و سیستمە سیاسییەکان. لە ساڵی ١٩٧٧ لە شاری سلێمانی لەدایک بووە.
خوێندنی ئەکادیمی خۆی لە ساڵی ٢٠٠٠ بە بەدەستهێنانی بڕوانامەی بەکالۆریۆس لە یاسا و زانستە ڕامیارییەکان دەستپێکرد. دواتر لە ساڵی ٢٠١٠ بڕوانامەی ماستەر لە زانستە ڕامیارییەکان و لە ساڵی ٢٠٢٠ بڕوانامەی دکتۆرا لە فەلسەفەی سیاسی و سیستمە سیاسییەکان بەدەستهێنا. لە ئێستادا خاوەنی نازناوی زانستی پڕۆفیسۆری یاریدەدەرە.
کاروانی پیشەیی ناوبراو لە ساڵی ٢٠٠٣ لە زانکۆی سلێمانی دەستی پێکرد، لە فەرمانگەی یاریدەدەری سەرۆکی زانکۆ بۆ کاروباری زانست و خوێندنی باڵا. لە ماوەی کارکردنیدا ئەندامی چەندین لیژنەی زانستی گرنگ بووە لە ئاستی وەزارەتی خوێندنی باڵا و توێژینەوەی زانستی و زانکۆی سلێمانی، لەوانە لیژنەی هاوتاکردنی بڕوانامەکان و لیژنەی بەرزکردنەوەی پلەی زانستی.
لە ساڵی ٢٠١٠ەوە تا ئێستاش، وەک مامۆستای هەمیشەیی لە بەشی زانستە سیاسییەکان، کۆلێژی زانستە ڕامیارییەکان، زانکۆی سلێمانی کار دەکات و بەردەوامە لە پێگەیاندنی نەوەیەکی نوێی خوێندکاران و توێژەران.
هاوکات، لە پاڵ ئەرکە ئەکادیمییەکانیدا، چالاکانە لە بواری توێژینەوەی زانستی کار دەکات و خاوەنی چەندین توێژینەوە و بڵاوکراوەی ئەکادیمییە کە لە بوارەکانی سیستمە سیاسییەکان و یاسای دەستووری بڵاوکراونەتەوە.